Bamduh ka ding ia ka iing ha Lachumiere

Shillong, 9 Rymphang:
Ka iing kaba don ha Lachumiere, Shillong ka la kem ding mynta ka sngi ha ka por shiteng sngi eiei bad ha katei ka jingjia ka ding ka la bam duh ia ki jingdon jingem baroh hynrei ym shym la don mano mano ba mynsaw namarba ki pulit pynlip ding ki la lah ban poi biang por ha katei ka jaka shuwa ba ka ding kan pur sha ki ing kiba marjan bad sha ki waiar bording.
Katei ka ing ka dei kaba dei trai da ka kong Faith Elwin hynrei ka la ai wai sha ki 9 ngut ki briew kiba bun na ki ki dei ki nongbylla haduh mynta ym pat tip ia ka daw jong ka jingkem ding katei ka ing hynrei laantad ba ka dei ka jingthang heater kaba ym shym la don ba pynlip bad na ka daw ka jingkhluit palat ka la meh ding noh.