Kular ka West Khasi Hill DCC ban ia treilang bad ka Kong Irin

Shillong, 8 Rymphang: Hadien ba la thung ia u kum u President jong ka West Khasi Hills District Congress Committee u bah Boldness L .Nongum u la khot ia ka jingialang ba nyngkong eh jong katei ka seng mynta ka sngi ka 8 tarik u rymphang. Ha katei ka jingialang lawan ban ia shim bynta da ki nong ialam jong ki san tylli ki Block Congress kata na Nongstoin Block, Mairang Block, Mawthadraishan Block, Rambrai Block bad Mawshynrut Block, la don ryngkat u James S Lyngdoh, General Secretary MPCC in-charge West Khasi Hills bad u Gabriel Wahlang, Secretary in-charge West Khasi Hills.
La lum ia katei ka jingialang ban jied ia ki nongkitkam ba pura jong katei ka seng ha WKH bad kumjuh ruh ban pynkhlain ia ka rukom treikam jong ka. Ki nongkitkam kiba la jied thymmai ki long President u bah Boldness L Nongum, General Secretary u bah Albinus Kharbani, Vice President bah R.E Dkhar, Secretary bah G.Nonglong bad Treasurer u bah B.K Bani. Ha katei ka jingialang la pynkhamti ruh ha ka kong Irin Lyngdoh kum ka Convener jong ka Mawthadraishan Block ba kan trei shitom ban pynheh pynsan ia katei ka seng ha katei ka Block. Katei ka seng ka la pynkhreh ruh ia ka elekshon MDC shiteng samoi jong ka KHADC.