7 snem, kha khyllung 1300 ngut hapoh ki kali 108

Shillong, 7 Rymphang:
Ka 108 Emergency Service Ambulance ka la dap 7 snem pura ha ka jingshakri jong ka ia ki paidbah kane ka jylla kata ha ka 2 tarik u Rym phang,2016; la ia soi ia ka jingiateh hapdeng ka sorkar jylla bad ka GVK EMRI ha u naiwieng jong u snem 2008 bad ha ka 2 tarik u rymphang 2009 la lah ban sdang pyntreikam noh ia ka 108 ha kane ka jylla. Ha kitei ki 7 snem ki la don haduh 19 lak ngut kiba phone sha ka 108 bad kala kah ban ai jingsumar kyrkieh kumba 1.3 ngut kiba donkam jingiarap.
Ha ki 7 snem,kiba bun eh kiba donkam jingiarap na ka 108 ki dei kiba leit ban kha khyllung kaba la kot sha ka 27.21%, nangta bud sa ki jingjia mynsaw ne ki jingjia aksiden kiba kot sha ka 11%. Napdeng kiba kha khyllung ki la don haduh 1300 ngut ki khyllung kiba la pynkha hapoh kali ha kylleng ka jylla.