Pynbeit lynti iaid kali ki pulit namar ka SAG

Shillong, 2 Rymphang:
Namar ka jingsdang ka jingialehkai South Asian Games ki pulit ki la pynbeit thymmai ia ka lynti iaid ki kali ka ban sdang naduh ka 3 tarik mynta u bnai, yn ym shah ia ki kali    ban wan na ki thain ka Golf link sha Polo, ki kali ba wan na Mawroh, Shyiap ki hap ban iaid na ka lynti ban hiar sha nongmensong bad sha 4th Furlong. Ki kali ba wan na    MPRO/Golf Club ki hap ban iaid na Dog Squad ter ter sha Nongmensong bad kin mih sha 4th Furlong.
Ki kali ba wan na Mawlai bad FCI kin hap ban iaid sha Mawroh ter ter sha Golflink bad Nongmensong bad 4th SawFurlong.Kiba wan na Lum jingshai bad Forest Colony kin hap ban iaid sha Lawmali bad ter ter sha Polo.
Kiba leit sha Ganesh Das Hospital ,Lawmali bad Jaiaw yn shah ba kin iaid sha Lumjingshai lyngba ka thain Hospital. Ki ba wan na 4th Furlong yn ym shah ba kin hiar sha ki thain ka Ganesh Das Hospital,kin hap ban iaid sha Forest Colony lyngba ka Budhha Mandir bad ki thain ka Ganesh Das. Yn ym shah ban rung trok ha nongbah Shillong naduh ka por 8 baje mynstep haduh ka por 10 baje mynmiet.