Kem ki pulit ia lai ngut kiba rahbor ia u bah Darius

Nongstoin, 31 K’Lyngkot:
Ki lai ngut ki kyn hun runar kiba dei ruh ki nongiarap ia ka seng United Garo Security Force bad kiba don kti lang ruh ha ka jingrahbor ia u bah Darius Marngar na ka Shnong Nong thymmai ha ka 13 tarik mynta u bnai ki la ngat noh ha ka kti jong ki pulit ka Aradonga.
Kitei ki lai ngut kiba la shah kem la tip kyrteng kum u Jholsh . G. Momin 25 snem khun jong u Robarson Marak u ba dei na Resu Rad, u Walmen G Momin 25 snem u ba la ju khot ruh u katrangbat momin khun jong u Awell R. Marak u ba na Dingoapal Bajong North Garo Hills, bad u Sengman R.Marak 25 snem khun jong u Stolish G. Sangma u ba na Nongrisan WKH.
Ia kitei ki lai ngut ki runar ki pulit kila ioh ban kem mynta ka sngi na ka shnong Mawram Noonmati kaba hap hapoh ka Aradonga OP.
Shuh shuh ka khubor na ki pulit ka iathuh ruh ba ha ka jingtohkit kitei ki runar kila phla ba kidei ruh kiba don kti  ym tang ha ka jingrahbor ia u bah Darius hynrei kila don kti ruh ha ka jingiather kuli bad ki pulit ha ka 15 tarik mynta u bnai ha katei ka thain.