Kurup kyiad pyrsi ka KKHA na Iewduh

Shillong 28 K’lyngkot:
Mynta ka sngi, ka Khun Kynthei u Hynniew trep Association (KKHA) ka la ioh ban kurup bun spah song ki kyaid pyrsi bad kyiad phareng ba die beain ha Iewduh ba la song ha plastik.
Kane ka seng ka la pynlong ia ka jingkhynra die kyiad pyrsi ha kiba bun ki jaka ha Iewduh naduh ki dukan, ki kyiad phareng na ki Restuarant.
Ia kane ka jingkhynra la sdang naduh ka por shiteng sngi tad haduh ka por 4 baje eiei janmiet, ha kaba la synran lang da ki pulit ka tnat Exise ia ki dkhot ka Khun Kynthei u Hynniewtrep Association. Na ka thain Khlieh Iew, ki dkhot ka seng ki la ioh kurup tang katto katne ka kyiad phareng bad sha ki bynta ba sharum jong ka Iew ha ka thain Iewduh, ki dkhot ka seng bad ki pulit ka tnat Exise ki la ioh kurup da ki spah tylli ki song plastik ba la thep ia ka kyaid pyrsi na kawei ka kudam ba la khang da ki tala.
Ki trai nongdie kyaid pyrsi mar syn ioh sngew ia kane ka jingkhynra kyaid, ki la phet lai lum laiwah ban lait na ka jingshahkem ha ki pulit ka tnat Exise.
Ka President ka Seng Kong R. Jyrwa haba kren ha ki lad pathai khubor ka la ong ba kane ka jingkhynra  kyiad ha Iewduh ka dei namar ka jinglait lan palat jong ka kyiad ba la shu die beain bad kynthoh ruh ia ka ophis u Syiem Mylliem kaba la leh matlah ia ka jingjyllei shaba palat ki dukan die kyaid naduh Motphran shaduh Khlieh iewduh kaba la pynisaitmet haduh katta katta ia ka imlang ka sahlang.