Kylla surok khlaw ka surok Mawsynram na Weiloi sha Lad Balat

Mawsynram, 28 Kyllalyngkot:
Ka surok jong ka Mawsynram Division na duh Weiloi ter ter shaduh Lad Balat kala long kum ka surok khlaw ka jing sniew jong ka. Ki paidbah katei ka thaiñ ki la ud shisha ka jingeh ha ka leit ka wan jong ki kiba hap ban iaid man ka sngi.
Kat kum ka jing shem jong u SP News Agency la iohi ba ka jingjot jong kane ka surok ka long naduh Wahumsohlait kaba don harum Weiloi ter ter sha Mawsynram, Phlangwanbroi, Trongpleng, Pomblang haduh ban da poi sha Lad Balat. Haba u nongai khubor u la wad jingtip la sngewthuh ba na ka liang jong ka PWD kam shym don kano kano ka jingmang pisa ban maramot ia kane ka surok kaba don kam ha kaba da ki spah tylli ki shnong kiba hap ban iaid na kane ka surok.
Kane ka por tlang kala jan kut bad sa tang khyndiat bnai ka lyiur kala  wan hynrei ym shym don kano kano ka dak ka shin na ka liang jong ka PWD ba kan maramot ia kane ka surok ban tap ia ki thliew ki syar kiba la pynjot ia kane ka surok kaba la long kum ka surok khlaw.
Na ka liang jong ka PWD kam shym la maramot ia kane ka surok mynta la kumba lai snem ei ei ong ki thymmei khubor, na ka liang jong u MLA kane ka thaiñ u Bah PN Syiem u ba long ruh u CEM jong ka KHADC u la ia kren bad ki bor jong ka PWD hynrei ym shym la lah ban ban pynkoh nguh ia katei ka tand shna surok ban maramot ia kane ka surok na Weiloi sha Lad Balat kaba jrong kumba 50 Km tam.(SP News)