Shah kem ka thei ar met,ba khaii met; ar hajar marwei

Jowai, 24 K’Lyngkot: Ka women wing jong ka seng Jaintia National Volunteer (JNV) ka la ioh kem ia kawei ka longkmie kaba donkti ha ki kam die met bad khaii kynthei.
Ka khubor na ki nongialam ka JNV ka la iathuh ba la iohkem ia katei ka longkmie kaba khaii ia ki kynthei da ka jingiarap uwei u bar jylla ha kaba u la phone ia ka ban wan ialam lai ngut ki kynthei.
La iathuh ba katei ka longkmie kaba la tip kyrteng kum u kong Ngenioh Dkhar kaba sah ha Moowamon, Mih myntdu ka la ia pan 2 hajar tyngka kawei ka kynthei, 3 ngut 6 hajar.
La ong ba kitei ki lai ngut ki kynthei kiba la wan ialam da katei ka nongkhaii sha Syntu Ksiar ki dei kiba la donlok suda bad kawei na ki kadei kaba dang ar met ruh.
Na ka liang ka JNV ka la pynrem jur ia kane ka kam jakhlia jong katei ka longkmie khaii kynthei.
Na ka liang ka JNV ka la ialam ia kitei ki kynthei bad ia katei ka longkmie sha ki pulit na ka bynta ba kin shah tohkit bad pynshitom ruh halor katei ka kam jakhlia jong ki.