72tylli kurup ki pulit ia ki Simcard khaii tuh

Shillong, 22’lyngkot:
Ka la don ka jingia ther kuli mar kylliang kaba jur bha hapdeng ki pulit bad ki dkhot jong ka kynhun lehnoh ka GNLA ha ka por ba ki pulit ki laleit ban khynra ia ka ktem jong katei ka seng kaba don ha North Garo Hills kaba dei ruh ka ktem jong u Piliport.
Ha katei ka jingjia kam shym la don kano kano ka jing iamynsaw naba ki dkhot jong ka GNLA ki la phet krad noh sha ki khlaw kiba rben kiba don hajan katei ka ktem.
Haba ki pulit ki laleit ban khynra ia katei ka ktem ki lehnoh ki la lap bun tylli ki mobile phone bad 72 tylli ki Simcard bad kiwei pat ki tiar shimet jong ki lehnoh.
Ka la pynlyngngoh ia ki pulit ba ki lalap haduh 72 tylli ki Simcard kiba la khaii tuh sha kitei ki lehnoh khlem da donkam ban pynshisha ia ka kyrteng jong ubriew uba shim ia katei ka simcard. Hadien ba la lap ia kitei ki Simcard ki pulit kila suba ba ki kompeni mobile kiba ai konekshon sha ki paidbah ki khlem bud ryntih ia ka hukum ka High Court kaba la pynmih ha ka 18 tarik u naiwieng,2015. Ia kitei ki simcard ba la ioh kurup ki pulit ki la buh Kitei ki simcard ba la ioh kurup mynta ki don ha kti ki pulit kaba dang hap ban iaid lynti katkum ki kyndon aiñ. Kitei ki 72 Simcard ba ki pulit ki la ioh kurup na ki lehnoh ki dei ki Simcard jong ka Kompeni Aircel bad Airtel, mynta ka jingkylli kaba lamih ka long aiu ki bor jong ka Aiñ kin leh ia kitei ki kompeni?.