Pynkynmaw jingialang ka SNSBH

Shillong 19 K’lyngkot:
Ka Synjuk Ki Nong synshar Shnong ka Bri U Hynniewtrep (SNSBH) ka kwah ban pynkynmaw sa shisien pat ba ka jing ialang jong ka Synjuk kan long ha ka 21 tarik mynta u bnai  ha Wahingdoh Community hall, Shillong naduh ka por 11 baje mynstep ban iakren halor ki mat kiba ktah ia ka synshar ka khadar ka riti ka dustur jong u paid Khasi Pnar.
Ki mat  ban iakren ki long ka hukum jong ka High Court, ka jingpyn kylla ia ka Rule 20 (B) jong ka Meghalaya Services (Conduct) Rules bad bad kiwei kiwei de.
La kyrpad ia baroh ki Rangbah Shnong/ Nongsynshar Shnong bad kumjuh ruh ia ki nongkit kam shnong ba kin ia pyllait por khnang khnang ban wan poi sha kane ka jingialang, la ong u Bah R. L. Blah u Genl. Secy ka SNSBH.