“Ka sorkar Meghalaya, tang ia ka tulop nonghikai kam lah siew hok”

Shillong, 18 ‘lyngkot:
“Ka Sorkar Megha laya te tang ia ka tulop jong ki nonghikai kam ju lah ban siew hok namar kam don jingmih, te na ei kan ioh ia ka pisa ban siew tulop ia ki Rangbah Shnong?” kylli U bah HS Shylla CEM barim jong ka Khasi District Council, haba kynthah halor ka hukum jong ka Meghalaya High Court, halor ka kam Rangbah Shnong, kaba ka la pynmih ia ka hukum ha ka 13tarik Kyllalyngkot 2016.
Halor katei ka jingbishar, U bah HS Shylla, ula ong shuh shuh ba ki nongbishar ki la lynshop palat ia ki Rangbah Shnong, ha kaba ula thoh “Kumta, ka tarajur jong ki Nongbishar ka noh shiliang, ki la lynshop palat ia ki Rangbah Shnong bad ki Dorbar Shnong jong ngi, kat haduh ba kita ki jingiada kyrpang ia ngi ha ka Constitution jong ka Ri India ki la kylla khyndew ha ka shi-khyllipmat”. U Bah Shylla, u ong “Kane kan pynsyier ia ngi, bad na ka jingsyier kan wan rah ia ka jingma kaba khraw bad ka jingartatien wat ia ka Constitution jong ka Ri India”.
Kane ka rai jong ka Division Bench jong ka Meghalaya High Court ka long pyrshah ia ka Constitution jong ka Ri India bad ula ai jingmut ba dei ban ujor sha ka Supreme Court vadonburom da ka KHADC bad ruh da Ka Synjuk ki Nongsynshar Shnong ka Bri u Hynniewtrep (SNSBH) bad ba ki paidbah ngin ia noh kylluid da pisa na ka bynta ka jinglut jingsep baroh khnang ba yn ioh ban buh da ki riewsaid-ain kiba tbit. “Ngi kyrpad ia kiba kham don kham em ban ia noh sbun mynsiem, ngi kyrpad ia ki MP jong ngi baroh lai ngut, ia ki MLA baroh, ia ki MDC baroh bad ia ngi ki paidbah baroh ban noh kylluid mynsiem na ka bynta kane. Ka SNSBH kan pyntip paidbah kumno ban lum ia kane ka synniang khnang ban ym don mano mano ruh ki ban ioh ban shim kabu kum ha kane ka por” [pule ruh sla 4]