Rakhe ia ka taiew niah kali ba suk

Shillong, 18’lyngkot:
La rakhe ia ka lyngkhuh sngi kaba 27 jong ka sngi kaba dei ban husiar ha surok kaba la tip kum ka Road Safety Week, 2016, ka phan gpdeng jong katei ka jingrakhe ka long “Ka jingshngaiñ ha surok bad ka por ban leh noh da ki kam”. La rakhe ia katei ka sngi mynta ka sngi ka 18 tarik u kyllalyngkot ha U Soso Tham Auditorium ha kaba u myntri ka kit ka bah ka sorkar jylla u ba HDR Lyngdoh u la long u kongsan.
“Ngimlah ban klet ia ka jingshisha ba ki kmie ki kpa ki dei ki rishot ia ki khun ki kti jong ki, ki lah ban pynngam ha ka jingmut jong ki shaphang ka jingdonkam ban long husiar ha surok” ong u bah HDR Lyngdoh haba kren ia ka jingdonkam ban long husiar ha sruok. U la kyntu ia kipaidbah ba ki dei ban bud ia ki kyndon ban iaid ha lynti khnang ba kan ymmih shuh ka jingiap kaba na ka por sha ka por namar ki jingjia aksiden bad dei ban pynduna ruh ia ka jingjia aksiden,. Kham hadien u bah Lyngdoh u lalamkhmat ia ka jingsmai ban long kiba husiar bad iaid shngain ha surok.
Kiwei pat kiba la kren ha katei ka jingialang ki long u Dr. S. R. Marak, Additional Superintendent of Police (Traffic) and Shri R. Wahlang, EAC, East Khasi Hills. U bah H. F. Khongsit, DTO, Shillong uba la kren pdiang sngewbha katba u bah A. Shylla, Pool Officer u la kren ai khublei. Hadien ka jingplie ia katei ka jingrakhe u bah HDR u la kaweh lama ia ka jingiaid Rally, kaba dei ruh ka kynhun kaba iaid kylleng ka nongbah Shillong ban pynbna ia ka rukom iaid rukom ieng ha surok.