Wan pyndem u nongpyniap briew ha Nongstoiñ

Nongstoin, 17 K’Lyngkot:
Hadien lai sngi ka jingshah pyniap dusmon u bah Barless Marngar kata ha ka 15 tarik mynta u bnai wan pyndem noh uwei na ki rangbah u ba la don kti ha katei ka kam ha khmat jong ki pulit ka Nongstoin bad ia u tei ba la wan pyndem la tip kyrteng kum u Last comingstar Mawtyllup 35 snem karta u ba na ka Shnong Mawphansyiar ka shnong kaba don ha ki thain Rambrai.
Katkum ka tyllong khubor la iathuh ba hadien ba ki pulit ka Nongstoin ki la pynlong ka jingthwet kaba jur, u tei rangbah u la leit ban pyndem noh bad aiti ialade ha khmat jong ki pulit ha ka meit jong katei ka sngi.
Kum ban shu phaidien biang khyndiat u bah Barless Marngar 36 snem ei ei karta na ka shnong Mawphansyiar West Khasi Hills u la duh noh ia la ka jong ka jingim hadien ba u la shah pyniap dusmon ha ki katto katne ki briew ha kawei na ki jaka ha ka lynti na Iew Rambrai ka ban leit sha Nongkroh Thangmati.
Katei ka jingjia kala jia ha ka miet jong ka 13 tarik mynta u bnai  ha kaba la suba jur ba hadien ba kitei ki runar ki la shoh la bom ki la pyniap dusmnon ruh ia u tei u rangbah  ha katei ka jaka bad la lap ia ka met iap ka jong u la lap da ki ba haiing ha ka por 8.00 baje mynstep jong ka sngi kaba bud.