La ioh Daloi thymmai ka Elaka Satpator

Jowai, 14 K’Lyngkot:
Ka Elaka Satpator ka la ioh ia u Daloi uba thymmai bad ia ka kyrteng jong u ma Daman Lakashiang la pynbna mynta ka sngi ha JHADC da ka Administrative Officer.
U ma Daman Lang shiang u la jop suk kum u Daloi khlem don satia ba ialeh pyrshah.satia da mano mano ruh.
Ka kong E Shylla, Administrative Officer mynta ka sngi ka pynbna ia ka kyrteng u ma Lakashiang kum u Daloi ba thymmai katei ka elaka, hynrei ha kaba iadei bad ka Sanat satia ia u hynrei la bthah ia u ban pynbiang ki kot ki sla.
Ha kaba ia dei bad kane, na ka liang ka Jaintia Hills Autonomous District Council (JHADC) mynta ka sngi kala pynbna paidbah ia ka kyrteng jong u ma Daman Lakashiang ba un long kum u doloi katei ka Elaka, ia kane la pynbna da ka kong E.Shylla Returning Officer Satpator Dolloiship Election.
Na ka liang ki bor ba dei peit kim pat shym la ai ia ka sanad ia u bad ki la bthah ia u ba un pynbit pynbiang iaki kot ki sla ba donkam, khnang ba un long noh kum u doloi ba pura katei ka Elaka.
U ma Daman Lakashiang udei u khun jong u ma (L)  Kerbok Lytan naka shnong Satpator Elaka West Jaintia Hills Dstrict.
Ha kane ka sngi la don ryngkat ka kong B.Bamon Asst.Returning Officer Satpator Dolloiship Election, u ma S.Pohkyrnu Acting Dolloi ka Elaka Satpator, u ma Froviling Pakynteiñ Adviser Elaka Satpator, ki nongmihkhmat na ka Kur bad ki nongkyrshan jong u Dolloi.