Pynkynriah kam ia ki heh pulit ha ka jylla

Shillong, 14’lyngkot:
Ha ka 13 tarik u kyllalyngkot u Lat ka jylla u la pynmih ia ka hukum pynkynriah kam ia ki heh pulit ha kane ka jylla. Katkum katei ka hukum la iohi ba la pyn kynriah kam ia U JFK Marak, MPS uba bat kum u Commandant 2nd MLP Bn, Georagre West Garo Hills, Tura la pynkynriah kam noh kum u Commandant jong ka SF 10, Shillong naduh ka tarik ba u dei ban shimti ia ka kam haduh ban da pynmih da kawei pat ka hukum. U Marak un mih bujli ia u A.R Mawthoh, IPS. U H.G Lyngdoh, MPS Commandant 6th Bn, Shillong u la shah pynkynriah kam kum u Supretendent of Police jong ka South West Khasi Hills, Mawkyrwat , u bah Lyngdoh un bujli noh ha ka jaka jong u Raghavendra Kumar MG, IPS.
U bah Lakador Syiem, MPS- SP jong ka South Garo Hills, Bagh mara u la shah pynkyn riah kam noh kum u Principal Police Training School, Meghalaya bad un mih bujli ia u CVS Reddy, IPS. U Nazarius Lamare, MPS2nd In Command 6th Bn, Shillong u la shah pynkynriah kam kum u SP (R/PR), Shillong bad un mih bujli ha ka jaka u O.Passi, IPS.
U B.Laloo, MPS ADL. SP South West Khasi Hills , Mawkyrwat u la shah pynkynriah kam noh kum u Commandant 4th Bn ,Sohpian West Khasi Hills bad un shimti ha ka jaka jong u CVS Reddy, IPS bad kiwei pat. Ki la don haduh 19 ngut ki heh pulit kiba la shah pynkynriah kam ha kane ka hukum kaba la mih ha ka 13 tarik mynta u bnai.