Shah kem ba tuh thuk thuk

Shillong, 13’lyngkot:
Ha ka 10 tarik mynta u bnai kawei ka thuk thuk 180cc Pulsar rong saw ba don ia u nombar ML05-L-3303, ka la shah tuh na Balaji Enterprise, Garikhana, Shillong kaba dei trai da u Mahipal Singh, uba shong basah Lumdiengjri, Shillong bad ki pulit ka Lumdiengjri P.S. ki la rejistar case ia katei ka jingjia C/No. 05(01)2016 U/S 379 IPC.
Hadien ba la ioh ksai shaphang katei ka jingshah tuh ki pulit Lumdiengjri ki la lap biang ia katei ka thuk thuk na kawei ka karkhana na Polo, Shillong. Halor katei ka jingjia,ki pulit ki la kem ia u Vicky Lama, 22 snem u khun jong ka Sonam Lama ba shong ba sah ha Lamavilla, la kem ia u ha ka 12 tarik mynta u bnai bad na ka jingioh kem ia utei la lap ba la don sa uwei pat uba donkti lang ha katei ka kam bad utei u dei u Sandy Nongseij khun jong u bah Shining Star Mawlong ba shong ba sah ha Mahari Petrol Pump, Shillong hynrei utei u briew u la phet krad noh,ki pulit kilapyntip ba lada don kiba don jingtip shapahng u Sandy ki lah ban pyntip ha u Officer In-charge, Lumdiengjri Police Station ha une Mobile No. 9863061803 lane ha une u landline No. 0364-2548151.