Shillong, 12’lyngkot: Ka Media Plus ka thmu ban kham pynbha bad kham pyniar ia ka pathai khubor ia ki bun ki bynta jong ka imlang sah lang ba dei ban pyntip sha u paidbah, da kaba aiti ha[bteng sla 7]
ka ME Production hapoh ka jingpyniaid u Bah Marcus Lyngdoh bad u Bah Elmer Raymond War bad u Bah Raphael Warjri un iaineh kum u producer kane ka news channel. Ka jingshimti jong ka ME Production ia kane ka News Channel ka long ban kham pynjanai shuh ha ka liang ban pathai ia ki khubor jingjia ba man la ka sngi ha ka ktien khasi bad phareng ha ryngkat bad ki sports Special, ki Entertainment lem bad ka prokram[pule sla 7] iakren kaba la ai kyrteng Plak! Na Matïong kiba la ju pyni paidbah bad ban iai pyni lyngba ki cable operators naduh ka por 9 baje mynmiet man la ka sngi.
Khyndiat shaphang ka Media Plus, kane ka news Channel ka dei ka electronic media ba nyngkong eh ha ka jylla ha kaba la seng ia ka da u bah Raphael Warjri ha ka 1 tarik u nailar 1999 bad ka la ai ka jingshakri kaba janai ia ki paidbah lyngba ka jingtrei borbah jong une u rangbah. Kumta ka jingaiti jong ka Media Plus ha ka ME Production ban pyniaid ia ka news channel ha ryngkat ka jingtreilang bad une u rangbah ka long ban ai jingshakri shuh shuh ia ki paidbah lyngba ki kam pathai khubor. Ia kane ka jingtreikam ba thymmai yn sdang naduh ka 18 tarik mynta u bnai.
Phi don ban ong eiei?