U Bah Boldness, President West Congress

Shillong, 12 ‘lyngkot:
U bah Boldness L Nongum, ula shimti biang kum U President jong ka West Khasi Hills District Congress Committee. U President MPCC, Dr D D Lapang u la thung biang ia u bah Boldness L Nongum Ex MLA, naduh ka 8 tarik mynta u bnai ban shimti biang ia katei ka kam. Ia kane ka kam u bah Boldness u la bat ha kine ki snem ba la dep hynrei namar u la leit shimti ia ka kam kum u Vice President ka MPCC u la hap ban ieh noh ia katei ka kam shipor.
Ha ka jing iakynduh bad ki nongtrei ka seng, u Bah Boldness u la ong ba un sa pynthymmai noh ia ki nongkitkam ha ka DCC bad kumjuh ruh ha ki BCC lada i donkam khnang ban pynkhlain shuh shuh ia ka party. U la kren shai ba ki don katto katne ki BCC ha West Khasi Hills ki bym shym la trei kam shuh ha kine ki snem kumta ka la dei ka por ban pynkhie im biang ia ki.