Shah batbor ar ki khynnah 13 snem

Jowai, 11 ‘lyngkot:
Ha ka 9 tarik une u bnai ki pulit ka nongbah Jowai ki la ioh ka jingujor na ka kmie ki kpa jong ki ar ngut ki hep kiba dang 13 snem ka rta ba ki la shah bat tnga jubor ha ki ar ngut ki runar ha ka shnong Barato, West Jaintia Hills.
Katei ka jingjia ka la jia ha ka 2 tarik une u bnai bad kitei ki runar ki dei kiba la tip kyrteng kum u Danny Lapasam bad u Emside Shadap kiba dei na katei kajuh ka shnong.
La iathuh ba kitei ki runar ki la leh ia katei ka kam ha kawei ka khlaw kaba don ha ka jaka kaba la tip kum ka Umraliang.
Ka jingshah maham ha kitei ki ar ngut bad ruh ka jingbym shim khia u Rangbah shnong ka shnong Barato, la kynnoh kiba haiing hasem.
Ia kitei ki runar la pyngngad ha ka kyndon ain POCSO Act.