Shah kem ka trok kit masi na Wah Umlein

Shillong 11 K’lyngkot:
Ki pulit ka Pynursla ki la ioh ban kem ia uwei u nongniah ka trok (ML-05-J-2654) bad ioh kurup 9 tylli ki masi dap kiba thmu ban shalan sha Bangladesh ha ka 9 tarik Kyllalyngkot.
Katkum ka jing iathuh u SDPO u Bah Ian Swer ha katei ka miet, ki pulit ka Pynursla ki dang pynlong ia ka jingiaid pahara ia ki kali bad kynsan kynsan katei ka trok kaba niah u Wanhun lang Kharbudon ba 35 snem ka rta na shnong Siatbakon ka la iaid beit wat hadien ba ki pulit ki la bthah ba kan ieng bad namar kane, ki pulit ki la kthong ia kane ka kali bad la lap ha Wah Umlein hajan ka shnong Tangmang kaba la ieh ha surok bad u nongniah u la phet krad noh.
Hynrei kham hadien, ki pulit ki la kthong bad la ioh ban kem ia une u nongniah katei ka trok bad la kurup ruh ia ki masi ba la kit ha katei ka trok.
Ia ki masi la aiti sha ki pulit ka tnad Custom ba kin leh ia kaba donkam. U Bah Swer u la ong ba namar ka jingjur ka jingpyniaid masi tuh sha Bangladesh, ki pulit ka Pynursla ki la pynlong ia ka jingtalasi bha ia ki kali ha kine ki sngi bad kin sa leh beit katkum ka ain ia kiba leh pyrshah.