Mynta yn tep donburom ia u Lamphang barim ka Iing dorbar

Shillong 06 K’lyngkot:
Ia ka met jong u Lamphang barim ka jylla u Bah Winstone Syiem iong yn tep donburom lashai ka sngi Palei ka 7 tarik Kyllalyngkot ha lum jingtep ka Balang u Blei,Lawmali,Shillong.
U Bah Syiemiong uba long u MLA lai sien ka jylla u la khlad noh ha kane ka sngi Hatmajai ha iing sah jongu ha Laitumkhrah hadien ka jingban ka jingpang.
U Bah Syiemiong u la dap78 snem ka rta bad u la ieh shadien ia ka lok, ki khun shynrang san ngut bad ka khun kynthei. U Bah Syiemiong u la shah jied kum u MLA ka Meghalaya Legislative Assembly lai sien na Nongspung constituency hadien ba la kha ia ka jylla Meghalaya. U la bat kum u Lamphang ka iing dorbar thawain naduh u snem 1978 haduh 1983 bad u la shah jied ruh kum u MDC shi wat na Nongspung-Sohiong.
U Bah Syiemiong u la pyndep noh ia ka Assam Civil Service bad u dei u president ba nyngkong ka Meghalaya State Badminton Association.
U Lamphang ka iing dorbar u AT Mondal haba pynpaw ia ka jingsngewlem halor kane ka jingkhlad noh jongu, u la pynkynmaw ia ki kam ba radbah jong u Bah Syiemiong bad ka jingnoh synniang jongu ia ka jylla.
Katba u MLA barim uba dei ruh u president ka Forum ki MLA barim u Bah SD Khongwir u la ong ba u Bah Syiemiong u la ong ba ka jingkhlad noh jongu ka wanrah ia ka jingeh ban pyndap ia ka jaka ba la lait. U Bah Khongwir u dei ruh u MLA lang ha ka por jong u bah Syiemiong, u la ong ba kum u Lamphang ka iing dorbar u Bah Syiemiong u dei u nongpyniaid ba tbit bha.