Hadien ka Khrismas, ap ki paidbah sa ia u Snem thymmai

Shillong, 28 Nohprah:
Ka jinglehkmen Khrismas ha Meghalaya ka la kut da ka jingleh kmen ba bun jait ban pyndonburom ia ka jingwan longbriew u Jisu Khris sha kane ka pyrthei khamtam ki paid riew ngeit Khristan.
Ha kane ka sngi Thohdieng, ki riew ngeit Khristan ki la pynlong ia ki tamasa ba bun jait ban pyndonburom ia kane ka sngi ha ka por mynsngi haduh ka shiteng miet ha kaba ka la don ka jing pynlong jingiaseng shiteng ha katei ka sngi.
Ka rilum Garo  kaba jubor da ki kam sniew ka la rakhe ia ka Khrismas ha kane ka kynti da ka jingjai jai.
Ki briew ki la pyndeng ia ki iing ki sem jongki da ki jingshai bad jingthaba ba bun jait ki rong bad kumjuh ha ki ophis bad ki ingmane ha baroh kawei ka ri Khasi bad Jaintia bad ha Garo Hills.
Ka sorkar ka la pynbna shuti naduh ka 23 tarik Nohprah bad ki ophis kin plie biang haduh ka 4 tarik Kyllalyngkot bad kane kan long ka jingioh shuti kaba bun ia ki nongtrei sorkar jylla ym kum kiwei pat.