Ioh skul thymmai ka Mawkyrwat Pres

Shillong, 6 Jylliew:
Ka Mawkyrwat Presbyterian ka la ioh ing skul thymmai ba la plie da u Deputy Chief Minister u Bah Rowel Lyngdoh.
Ka Mawkyrwat Presbyterian school Laitlawsang Jakrem ka dei kawei na ki skul kaba la lah ban kynjoh sha ka Secondary school.
Ha kane ka sngi u Bah Rowel u la ong ba kalong kaba burom ia u kum u MLA ban plie ia kane ka ing skul thymmai bad u la ong ba kane ka skul balang ka ai ia ki khynnah ym tang ki jinghikai ba la don lupa ha skul hynrei ka ai jinghikai ruh ia ki khynnah shaphang ka akor ka burom.
Na ka liang jong u la iaroh ia ki nongpyniaid jong katei ka skul namar ka jinglah ka jong ki ban pynurlong ia ka jingangnud jong katei ka skul.
Ha kawei kaliang ruh u la kyntu ruh ia ki nongpyniaid, ki nonghikai bad ia ki khynnah skul ba kin trei shitom ban wanrah ia ka jingjop.
U Bah Rowel u la kular ia katei ka skul ba un iarap katba u lah ha ki jingdonkam jong ka.
Shuwa ia kane la ioh ka jingkren na u DC ka South West Khasi Hills u Bah Aldous Mawlong u la ong ba kane ka jingplie ia kane ka ing skul ka la long kum shi bynta ha ka jingroi jong kane ka District ba thymmai.