Plie ia ki jingpynitynnad ia ka kshaid Wahrashi

Shillong, 20 Nohprah:
La plie ia ki jing pynitynnad ia ki sawdong sawkun ka jaka jngohkai pyrthei ha Wahrashi ha ka sngi saitjaiñ jong ka taiew. Katei ka jingpyn itynnad ka dei ka Wahrashi Waterfalls Complex-cum-Recreational Centre kaba don ha ka shnong Syntung kaba jngai 70 kilomitar na Shillong bad kaba hap hapoh ka Mawkynrew C&RD Block. La plie ia ka da u bah David Nongrum, u Chairman ka MTDC. Ha katei ka sngi la donlang ruh u MLA katei ka thaiñ u bah R.Pyngrope, u R. Muivah, Secretary, NEC, Mr. G. Chintey, Adviser, Banking, Industries & Tourism, NEC, bah H. Suting, Sordar Shnong Syntung bad ki paidbah jong katei ka thaiñ. Katei ka dei ka projek kaba la bei tyngka da ka North Eastern Council (NEC) T.40 lak tyngka hynrei la pyndap pat da ka Dorbar shnong sa T.11.18 lak tyngka bad ka jinglut baroh khoit ban tei ia katei ka jaka ka la long haduh T.51.18 lak tyngka. Katei ka jingtei ka kynthup ia ka lynti iaid kjat, ka jaka peitkai, ka Park bad ka madan ialehkai ki khynnah rit, ki jaka leit bar,ki jaka rieh slap.
Haba kren ha katei ka sngi u bah David Nongrum u la ong ba ka sorkar ka ia treilang bad ka NEC khnang ban kyntiew ia ka kam jngohkai pyrthei ha kane ka jylla. U la ong ba kane ka jylla ka don ia ka mariang kaba itynnad bad kan sa long ka jaka kaba lah ban khring ia ki nongwan jngohkai pyrthei bad kan long ruh ka lad kamai ia ki briew jong kane ka jylla hi.