Ai sngewbha Krismas U bah Sanbor sha ki kynhun niam

Shillong,
20 Nohprah:
Ha ka sngi saitjaiñ jong ka taiew ka Raid Laban Sports Social and Cultural Organisation (RLSSCO) ka la rakhe ia ka Krismas ryngkat ki kynhun niam bapher bapher kiba don ha kane ka jylla. La rakhe Krismas ha ka jingialang kaba la long ha Community Hall jong ka RLSSCO ha Bishnupur. Ha katei ka jingrakhe Krismas la don ki kynhun niam na ki balang Kristan bapher bapher, ki Puja Komiti, ki niam Hindu, Muslim, ki Sikh, ki  Seng Khasi,ki Seng kynthei, ka niam Wei Blei, ki Dorbar shnong, ki kynhun bad ki seng bapher bapher.
Ha katei ka jingrakhe Krismas u bah Sanbor Shullai u President katei ka seng uba long ruh u MLA 19th Shillong South Konstitwensi u la ai sngewbha Krismas sha kitei kikynhun da ka tynghung pynsawa, hynrei shwa ia kane ka la don ka jingot cake Krismas kum ka dak ka jingrakhe.