Pra ka kynroh, shiteng ka iing ba tynrah ka trok

Jowai, 18 Nohprah:
Mynta ka janmiet ha ka por kumba 2:30 pm, kawei ka trok kaba don ia u No. AS01- 6230 ka la tynrah pom ia ka kynroh bad ia ka iing tin katba ka iing building ka la lait thaw noh tang namar ka jingdon ka kynroh. Kane ka la jia ha Shangpung Khlieh muchut.
Katei ka trok Assam kaba niah da uwei u briew uba na ka shnong Thad muthlong kam shym la pynmynsaw iano iano lait ka jingpynjot ia ka kynroh bad ia katei ka iing kaba long trai da ka kong Hillmidaris Wann. Ka daw I mat ka long na ka jingpynher sted, U driver u la phet noh mar mar jia katei ka jingjia. Ki pulit na Phramer Traffic Cell ki la hiar mar mar ban tohkit ia kane ka jingjia bad kat haduh ba la thoh ia kane ka khubor ki pulit kim pat shym la ioh kem ia utei u driver u bym pat shym la ioh kyrteng.