Ka dorbar kyrpang, ka JHADC ha ka 21 tarik

Jowai, 17 Nohprah:
Na ka bynta ban pynbeit ia ka Ain ki Rangbah shnong, Dolloi bad Sirdar kaba la tip kum ka VAB, u Chairman ka JHADC u la khot ia ka dorbar ba kyrpang kaban long ha ka sngi lah U Blei kata ha ka 21 tarik une u bnai.
U Chairman ka JHADC u la iathuh ba na ka liang u Lat ka Jylla u V. Shanmuganathan un sa ai ka jingmynjur jong u halor katei ka Bill hadien ba la dep ban pynbeit ia ki katto katne tylli ki mat kiba don ha katei ka Bill.
Ia katei ka Bill, na ka liang u Lat ka jylla u la dep ban phah ia ka sha ka tnad DCA jong ka sorkar bad na ka liang ka DCA ka la phah ia ka sha JHADC na ka bynta ban pynbeit ia ka.
“Ngi khmih lynti ba u Lat ka jylla un shon muhor noh ia katei ka bill ba kan long ain mar syndep ban pynbeit ia ka”, la ong u ma Laitsing Shylla. Utei u lam phang ka dorbar ha JHADC u la ai ruh ka jingiaroh ki ka kynhun ki MDC khamtam ia ka EC u ba la Ialam da u ma Thombor Shiwat kiba la iai bud dien ia katei ka Bill ba kan ioh ia ka Muhor jong u Lat.