Mad jingeh ka thain Nongstoin ha ka siew bai ding ilektrik

Nongstoin, 14 Nohprah:
Ki paidbah ka thain Nongstoin kila ia kynduh ia ka jingeh kaba khraw halor ka rukom siew ia ka bai bor ding ilektrik sha ka tnad MeECL namar ka jingdon jong ki katto katne ki jaka siew ia ka bai bording kaba la tip kum ka common Service center, kiba dei ki nonglum bai bor ding ilektrik kiba la don bad plie mynta kum ha Rambrai, Nongstoin bad ki wei ki wei.Katei ka jingsngew klumar jong ki paidbah ka long hadien ba ki la dep ban siew ia ka bai bor ding ka jong ki sha kitei ki common Service center ha ryngkat ka receipt ba la pynthikna bala dep ban siew  hynrei ka bill na ka bynta ban siew ia ka bai bor ding ka dang wan biang na ka ophis jong ka MeECL.
Kumta ha kaba iadei bad katei ka bynta na ka liang jong ki paidbah kiba la mad ia katei ka apot haba ia kren bad u nongthoh khubor kila pynpaw ba  katei kajingwan biang jong ka Bill na kabynta u juh u bnai na ka tnad MeECL wat hadien ba ki la dep ban siew sha kitei ki commom service centre kala pynklumar jingmut ia ki thlim namar ba katkum ka jingong jong ki paidbah la ong ba ka tnad MeECL sha kitei ki paidbah kila ong ka ophis MeECL kan shym don jingtip ei ei halor katei kajingdon jong ki tei ki center bad kam don ruh kano kano kajingiadei bad ki tei ki jaka siew Bill. Shuh shuh ha kaba iadei bad katei na ka liang jong ki paidbah kiba la mad ia katei ka apot kila pynpaw ruh ia ka jingsngewkhia kaba jur bad kila buh ruh ka jingkyntu ia ka ophis MeECL ba kan pynshai sha ki paitbah namar ki ba bun ki paitbah khamtam na ki thain Nongkyndong  na ka jingbym tip bad bym sngewthuh ki la ngop  da kaba leit siew ia ki Bill bording ha ki tei ki jaka siew.Na ka liang jong ki paidbah kila dawa ruh ba ka ophis MeECL ba lada kam don jingiadei bad katei ka centre ka dei ban shim kam noh mardor ia ki tei ki briew kiba buh ia ki tei ki jaka siew Bill kaba la shu bam ei bad shim kabu ia ka um syep jong ki duk ki suk ki bymdon ka jingtip ei ei.