Jied nongialam ka FKJGP

Shillong, 13 Nohprah:
Ka Central Executive Committee (CEC) jong ka Federation of Khasi Jaintia and Garo People (FKJGP) kaba long ha ka 12 tarik u Nohprah ka la bate kam thymmai ia ki dkhot jong katei ka seng ha kaba ia ka kam Working President la jied ia u ba Wellbirth Rani katba u General Secretary pat ia u bah Dundee Cliff Khongsit.
Ha katei ka jing ialang ka FKJGP ka la ia kren ruh halor ka jaka rung jaka mih ki bar jylla ne ka Entry Exit Point ha kane ka jylla bad halor katei ka phang ka la ong ba kan leit ban ia kynduh ia ka sorkar ban tynruh ba ka dei ban pynsted noh khnang ban ioh pyntreikam noh ha u snem thymmai. Ka CEC jong ka seng FKJGP ruh ka lah ia kren halor ka jingker sainar shiah hapdeng u pud u sam ka India bad ka ri Bangladesh.Katei ka seng ka la rai ban kyntu ia ka sorkar kmie ban pynsted noh ia kane ka kam bad hajuh ka por jingker sainar shiah na u ‘zero line’.