Shen kan sa ieng ka masjid ha Rymbai, ong ka Thma U Kada

Shillong, 7 Nohprah:
Ha ka kot jong U bah Apol Mawniuh, ka Thma U Kada, u nongthoh, u iathuh ba ha u snem 1992, ka la don ka dorbar bah jong ki Musulman, ha Hojai (Assam), ha ka por ba u long myntri kam rel, U Jaffar Sherif bad ha katei ka jingialang bah, la rai ban pynkylla ri Musulman ia ka Dong Mihngi baroh kawei bad la jied lai tylli ki Jylla, ba kham kongsan tam bad kitei ki long ka Meghalaya, Assam bad ka Nagaland bad ha katei ka jingialang, la shim ruh ia ka rai, ban pynurlong ia katei ka Ri Musulman, da kaba “shong kurim ia ki kynthei trai shnong”.
Haba iadei pat bad kawei ka phang, kaba u nongthoh ula ai kyrteng “Ka thma jingieid” lane kaba u buh ha kawei pat ka kyntien, ka thma plakhun lane ka love jihad bad halor kane ka phang, u iathuh ba hangne ha ri jongngi, ka shrip jingieid ka jur bha bad u iathuh shuh shuh, ba ha Rymbai, kaba dei ka shnong Khristan, ha kaba 99.9 percent ki dei ki khristan, hynrei, u ong ba sa tang khyndiat snem, kan sa kylla longka shnong Musulman bad ka daw, ka long ba ki khun kynthei, ki ioh tnga da ki dkhar Musulman bad ki bud noh ia ka niam jongki. Kine ki kong, ki kha da ki khun Musulman jait Khasi. Kumta kam slem shuh ba ha ka jaka jong ka iingmen Khrsitan, ha Rymbai, kan sa ieng da ka masjid bad ula ong shuh shuh ba kam slem shuh ba ha iingmane bah Laitumkhrah, ha ka jaka, ba ngin iohsngew ia ka baje u angel U Trai, ngin sa iohsngew ia ka jingpyrta Alla hu akbar, namar ba ki kong hynniewtrep jongngi, ki kham kloi ban pdiang ia ki khar Musulman, namar ki kham kloi ban pyndem na sdang.