Shillong 09 Lber: Ki paid riewngeit jong ka Ri Khasi jaintia Presbyterian synod Sepngi mynta ka sngi u Blei ka 9 Tarik u Lber 2025, da ki lak ngut ki la wan tuid ha ka jingiaseng Synod Sepngi ka ba arphew lai,ba la long ha ka Balang Presbyterian Sakwang.
La sakhi ba ki paidbah riewngeit na ki shnong bapher bapher ki la wan ban tuid ban sakhi ia ka jingiasyllok na ka ktien ka jing u Blei na ki pastor ki ban ai ia ka jingkren ha kane ka sngi u Blei.
Ka jingiaseng Synod Sepngi ha Balang Sakwang ka ka sdang naduh ka sngi Palei,kata ka 6 Tarik bad khatduh khatwai kadei mynta ka sngi u Blei,ka ba long saw sngi lynter.
Shuh shuh la sakhi ruh,ba watla na ka Liang u Superintendent of Police ka south west khasi hills u la ai ka jingpyntip a kaba iadei bad ka jingiaid kali ha mynta ka sngi ban poi sha ka jingiaseng KJP Synod Sepngi, hynrei la iohi ba ki kali ki la ia sahkut sbak hajuh namar ka jingbun palat u paid riewngeit ba wan jingiaseng.
Kidon ruh ki paidbah ba wan sha katei ka jingiaseng ki bym lap shuh ia ka jingiaseng ba nyngkong,ka ba sdang h kapor 10:30 mynstep namar ka jingsakut ba la bun palat ki kali.
Phi don ban ong eiei?