Sngewnguh ka shnong Hingaria ia ka 172Bn BSF, ba ai dawai ei

Shillong: Ka shnong Hingaria lyngba u waheh chnong ka sngew dei ban ai khublei ia ka 172Bn BSF ba ka lah pynlong ia ka jingai dawai ei bad peit nongpang hapoh shnong Hingaria kalong ka jingmyntoi ia ki spah ngut ki nongshong shnong da kaba ki leh check up bad ai dawai, kynthup ia ki longkmie longkpa ki khynnah ki riew rangbah samla kynthei bad shynrang khlem da siew pisa eiei.

Ki shipai BSF na ka por sha ka por ki long ki nongiarap ba ia jan bha bad ka shnong khamtam haba jia, ki kam ba kyrkieh ki long kiba la kloi ban iarap ia ki nongshong shnong Hingaria, ha kaba ki long kum ki paralok ba iajan bha bad ki paitbah bad trei da ka jingiasngew thuh jingmut ha kino kino ki bynta khamtam ha ka liang ka shong suk shong shngain ki paitbah ha kaba iadei bad ki kam pyrshah ain bad ki kam ba iadei bad ka khappud, ong ka kyrwoh na u Ma Samson Lamin, waheh chnong Hingaria.