Ka jingkynnoh party Khasi, party Garo, dei ka kam isih jaitbynriew, ong u Mukul

Shillong:U nongialam liang pyrshah u Dr. Mukul Sangma u la ong ba ka jingiakynnoh ba ka party Garo, ka Party Khasi, kan wanrah ia ka jingsniew bad ka jingisih jaitbynriew, ka ban wanrah ia ka jingiaisih, bad kum ki nongialam kim dei ban thung ia kum u ne u symbai.

U Dr. Mukul ula iashim bynta ha ka jingiatai halor ka mat kaba la wanrah u MLA ka Mawlai bah Brightstarwell Marbaniang ia ka jingkren u bah Kyrmen Shylla, myntri sorkar hapoh ka iing dorbar mynta ka sngi.

Na ka liang u nongialam liangpyrshah u la pynpaw ba ki nongialam kim dei ban wanrah ia ka jingiapait iapra hynrei ban tehsong ia ka jinglong kawei ka jylla. U la ong ba kam long kaba bha ban wanrah ia ka jingiashun bad kaba donkam ka long ban long ialong kawei hapdeng ka jingiapher.