Shillong:U Chief Executive Member (CEM) ba thymmai jong ka Khasi Hills Autonomous District Council (KHADC), Bah Shemborlang Rynjah ha ka sngi Ba-ar u la bate kam ïa ki Executive Member (EM) jong ka Executive Cpmmittee ba ïalam da ka Voice of the People Party (VPP).
Ha kane ka jingbate kam u CEM u la bat hi halade ia ka tnat General Administration (GAD), Posting & Transfer, Establishment, Appointment, Market, Elaka bad Forest nalor kiwei ki tnat ba khlem aiti ha kino-kino ki EM.
Katba ha ka jingbate kam sha ki Executive Members (EM), u MDC ka Parïong-Mawthadraishan, Bah Powell Sohkhlet u la ioh ia ka tnat IT bad ka Land & Development, katba u MDC ka Nongthymmai, Bah Winston Tony Lyngdoh u la ioh ban peit ia ka tnat Labour, Trade, Enforcement bad Revenue. Ka MDC na Laitumkhrah-Malki, Kong Deiti Majaw ka la ioh ban peit ia ka tnat Law & Legal Matters, Marriage & Divorce bad ka Town Committee, ka MDC na Mylliem, Kong Aibandaplin L Nonglait kan peit ia ka tnat Health & Sanitation bad Education.
Nalor nalor kane la aiti sha u MDC ka Mawkyrwat, Bah Pynkhraw Kharjahrin ban peit ia ka tnat Council Building, Council Assets bad Building Byelaws, katba u MDC ka Umroi, Bah Isnei Hinge u la ioh ban peit ia ka tnat Water Resources and Fisheries, bad ia ka tnat Finance la pynkhamti ha u MDC ka Mawkynrew, Bah Seiborlang Warbah.
Phi don ban ong eiei?