Ka suk ban kren ia ka jingiatylli hynrei kaei ka jingiatylli:Ardent

Shillong, 06 Nohprah:
Ka Meghalaya People United Front (MPFU) ka la pynlong ia ka jingrakhe dap san snem ha District Library Mynthong, Jowai.
U Bah Ardent M Basaiawmoit haba kren ha kane ka sngi, u la ong ba ka long kaba suk ban kren ia ka jingiatylli hynrei kaei ka jait jingiatylli dei ban sngewthuh.
“Ka long kaba suk ban kren shaphang ka jingiatylli hynrei ngi dei ban tip kaei ka jait jingiatylli ba ngi kren bad ngim lah ban pyndonkam bakla ia kane ka kyntien tang ban pynmyntoi iano iano”, la ong u Bah Ardent haba kren kum u kongsan.
U la ong ba ban sngewthuh khambha kaei ka jingiatylli donkam ban iatai bad ban iakren halor kane ka phang ha ka rukom kaba kham jylliew.
U la ong ba dei ban peit ia ki longshwa bad ban tip ia ka histori namar ba bun ki samla kane ka paten kim tip satia ia ka histori jong ka mynnor.
U la ong ba ka Ri-Bhoi, Jaintia, Ri-War, Lyngam bad kiwei ki dei ka kyrteng jong ka ri bad kam dei ka kyrteng jong ka jait hynrei baroh ki dei ki Khasi.
Katba u president ka MPFU, u Bah D Laloo u la ong ba lem bad ka sorkar ka MPFU ka la lah ban pynbeit shibun ki kam bad ki mat kiba iadei bad ka jingiakajia kaba mih hapdeng ki Khasi ha West Jaintia Hills bad ki Karbi ha Anglong ha u Nailur mynta u snem.
“La khot ia nga ban pynkylla ia ki ktien hapdeng kine ki ar tylli ki jaitbynriew namar ba u Deputy Commissioner um sngewthuh Khasi lane Jaintia lane u OC jong katei ka thain ruh” la ong u Bah Laloo.
U la ong ba ka jaitbynriew kaba tip ia ka hok ka dei ka jaitbynriew kaba im.