Shillong 01 Lber: Ki nongbylla sngi ki ba ju trei ha main Secretariat, Shillong, ki la Shah pynsangeh noh ha ka kam ka ba ki ju trei kan kapor.
Kane ka jingshah pynsangeh ia kitei ki nongtrei bylla sngi, kadei dang ha kine ki khyndiat sngi ba ladep.
Hadien ba la Shah pynsangeh noh na kakam ba ki ju trei kan ka sngi,ki tei ki nongtrei ki la pynlong syndon da ka jingiakhih ban shongkyllaiñ mungor ha madan Malki,ka ba ki la sdang naduh hynnin hi ka sngi,haryngkat ruh bad rah ia ki plakad da kana ong, “Ngi dawa ia ka hok”.
Ha ka jingleit ban buddien na ka Liang u nongthoh khubor mynta ka sngi saitjain ka 1 Tarik u Lber 2025, ha kaba kitei ki nongtrei ki la bteng biang ban shong iakhih,da kaba jai jai ban kyrpad ia ka sorkar jylla ban sngew bad sngap ia ka jingud jingnam jingki.
Haba iakren bad kitei ki nongtrei haryngkat bad ka jingkaw ki ummat ki la ong,ba ki la la trei kumba la shiphew snem eiei, nalor kata kidei ki ba wan na ki longing ki ba duna ha ka ioh kakot,ban pyndap ia ka iong Kasem.
Ki la iathuh ruh, ba haei kin leit wadkam biang mynta namar ka rta jongki ruh ka la heh bad Kam plie lad shuh ban dangwad Kam shawei, ha kaba baroh shi katta ki la trei beit ha Kane ka kam bad shaniah beit ha Kane ka kam Kum ki peon,ki cleaner,ki Chowkidar bad kiwei kiwei.
Shuh shuh ki la iathuh,ba Ka jingshah pynsangeh kam ia ki,kam shem don kano kano ka jingphah kot,hynrei ki shu ong beit da ka ktien ba kin sangeh noh ban trei.
Phi don ban ong eiei?