Shillong 28 Rymphang: U Chief Executive Member (CEM) ka Khasi Hill Autonomous District Council (KHADC) u bah Skhemborlang Rynjah u la kdew ba ka jingpynduna ia ki Executive Member ( EM) ha ka Executive Committee (EC) ba ialam ka Voice of People Party (VPP) kan ym ktah eiei ia ka jingtreikam ka Autonomous District Council .
Haba kren sha ki ladpathai khubor u bah Skhemborlang Rynjah u la ong Kam mut ba lada bun lah ban trei kam bad lada duna ym lah , namar kaba donkam hi ka long ban tista ia ka Kam, ngi lah ban aiti ia u wei uwei u EM lai saw tylli ki tnad bad kane kan long ban pynduna ia ka jinglut phut ha ka Council .
Haba iadei bad ki mat kiba kongsan Kum ka EC kan shim u bah Rynjah u la ong ba Kin don bun ki kam kiba ka EC kan hap ban pyndep hynrei kiba kham kongsan , kan long ban pynbeit ia ka rukom trei Kam ka District Council , ban ym pyrkhing halor ka jingai trading laisen ban bishar biang ia ka Building bylaw, ban pynbeit ia ka rukom thungkam hapoh ka Council , bad ban ia ka jingshngaiñ sha ki nongshong shnong ki thain khappud.
“Hakaba iadei bad ka jingai trading laisen , u la ong ba ka Council kan ym pynlait trading laisen shuh ia ki barjylla kiba wan apply na ka bynta ki kam kiba ki khasi ki la lah ban trei ia ka kam , halor ka Building by law , ngin bishar biang ia kane ka aiñ khang ba kan ym ktah ia u duk u suk” u la ong .
“Halor ka jingthung kam, ka EC kan ,wanrah da ka policy ban thungkam thungjam , khang ba kan ym don ka jingthung kam beaiñ ha ka Council halor kane ngin bishar biang ia ka service rule kaba ka Council ka don bad ngin thaw ia ka policy thungkam , kaban ym ia tyngkhuh bad ka Service rule kaba ka la don lupa” u la bynrap .
U bah Skhemborlang Rynjah u la ong ruh ba ka ba donkam ba ka VPP kan leh , ka long ban wanrah ia ka jingshngain ia ki nongshong shnong ki ba sah hapoh ki thaiñ khappud .
U la ong ba Kum u CEM hi un shimkhia ban wanrah ka jingkylla ha ka rukom trei Kam ka Council bad un khot da ka jingialang bad ki ophiser ka Council bad kin bishar ia ka kam ba ka EC ba la dep ka la trei , ” lada ka kam ba ki leh ka biang ngin pdiang ia kata bad lada kim biang ngin sa dang pynbha pat ” u la bynrap.
Phi don ban ong eiei?