Shillong 28 Rymphang: U bah Shemborlang Rynjah u ba dangshu shimti kum u Chief Executive Members ka District Council u bym shem ladon ki nongiakhun pyrshah ha iing dorbar u la kular, ba un nym leh shiliang khmat iano iano ruh, hynrei u kloi ban pdiang ia ka jingai jingmut jong ki para MDC bad ki paidbah ruh kymjuh.
Haba kren mynta ka sngi thohdieng,ka 28 tarik Rymphang 2025 ha iing dorbar ka Council U bah Shemborlang Rynjah u la ong, ba ka jinglong jong u nongmihkhmat la kadei ia u MLA ne MDC um don kyrdan, hynrei u hap ban trei ban kit ia ka longkor ka ba khia jong ka jaitbynriew. Kumta baroh ki 29 ngut ki MDC ba mynta, to kynmaw, ba ngi wan hangne ha iing dorbar, ia kaba ngin hap ban pyndep ia ka longkor, kum ba ki nongshong shnong ki thrang.
U bah Shemborlang u la ong, ba “Ngin nym peit tang ia kane ka khyllipmat ka ba mynta hangne, hynrei ngin hap ban peit ia kaei ka ba ki paidbah ki angnud na ka bynta ban saindur oa ka lawei ki khun ki kti”. Bad u Blei un ai iangi ia ka lad ba ngin lah ban kit ia ka lyngkor.
U la ai khublei ia baroh ki nongialam jong ka Voice of The People Party (VPP), naduh u president rangbah u bah Ardent Bsawiamoit, ba ym tang ba ki la ibit ia u ban iatreilang bad ka party, hynrei ki la ai ruh ia ka tiket ban iakhun ha kane ka ilekshon MDC nad mynta sa shisien ban pynshet ia u kum u CEM ka District Council.
Kaei ka ba ka party ka angnud, ban wanrah ia ka synshar ka khadar ka ba khuit, ngin ia iaid ryngkat bad ki nongialam jong ka Party bad baroh ki dkhot.
“Baroh ki MDC jong ka VPP bad kumjuh ia ki MDC ka liang iatei, ba ngi don kata ka jingangnud ban wanrah ia ka History ba mynta ka kynti bad khlem da kwah burom, la kadei ha kapor jongno jongno ruh, hynrei ngin peit bha khnang ba ka Council katkum ka jingangngud jong ka ban pynbeit ryntieh ia ka rukom treikam”.
U bah Shemborlang u la pynpaw ia ka jingsngewburom ia baroh ki nongkyrshan jong ka Langkyrdem Konstitwensi ia ka jingkyrshan jongki, da shisha ngam shem la lah ban ithuh lut ia baroh, hynrei hapdeng ka jingbymithuh lut, pynban phi ai ka jingshaniah ia nga ban pynjop donburom ha kane ka kynti ba mynta.
U la tyrwa ruh, ba kito ki bym shem la kyrshan ia u ha kane ka ilekshon , ba wat sngewlong jngai, wat ong na um dei u jongphi, hynrei nga dei u nongmihkhmat jong baroh ki paidbah ka Konstitwensi.
Phi don ban ong eiei?