Shillong 28 Rymphang: Ka kong Grace Kharpuri ka MDC na Nongshken konstitwensi ka la ong ia u Chief Executive Members (CEM) ba thymmai ka District Council uba dei na ka party VPP, kata u bah Shemborlang Rynjah, ba ngin ia klet noh ia kiei kiei ha ka thma haka rynsan ialap ilekshon ba ngi ia pyrshah, namar kane kamdei shuh ka madan thma, hynrei la dei ka jaka ban iatei na ka bynta ka bha ka mian jong ka jaitbynriew.
Ia kane ka kong Grace Kharpuri ka la pynpaw ha iing dorbar thawain jong ka District Council mynta ka sngi thohdieng ka 28 tarik Rymphang 2025, ka badei ka sngi jong ka jingshimti u bah Shemborlang Rynjah kum u CEM.
Ka la ong, ba u CEM un sngewbha ban iatreilang ryngkat ryngkat da ka mynsiem ba kylluit bad ki dkhot MDC baroh, namar da ka jingiatreilang ryngkat ryngkat, ka jingangnud jong baroh ka kam kan long ka ba bha bad khamtam ban iatreihok ha lajong ka kam.
“Na ka liang jong ngi baroh 29 ngut ngi la pdiang kylluit ia ka jingshah jied ia u phi bah Shemborlang kum u CEM ba Thymmai ka Council”, ong ka kong Grace.
Kum ka jingai jingmut, ka kong Grace ka ong, ba haba phin sa shim ia ka kam kum u CEM, ba nga ngeit ba phin iaid beit iaid ryntieh ia ki kam ki ba dei jong ka Council khamtam eh haba iadei bad ki bynta bapher bapher bad ban buddien lem ia baroh ki ba dang sahteng.
Na ka liang jong ngi ka liang iatei ruh, ngin iadon lang ryngkat bad ka EC baroh kawei, bad ban ym don kano kano ka jingianiew Shiliang, ka la ong.
Ka kong Grace ka la ong ruh, ba Wat sngew ba haba phi la bat ia ka shuki kum u CEM u ba halor jong ka District Council, ban long u ba baheh, hynrei dei ban long kajuh.
Ka la pynpaw ruh ka jingsmgewkmen ban iohi ba u CEM u dei na kajuh ka thain bad da ka jingkyrmen skhem ba u bah Shemborlang Rynjah kum u CEM un ialam ia ka Council baroh kawei bad ngeit ba u Blei ruh un ai ia ka jingstad ka jingshemphang.
Phi don ban ong eiei?