Shillong: Ka SBI RSETI Ribhoi, Umsning, ka badei kawei na ki shlem ai jinghikai ban sengkam lajong ia ki samla jong ka jylla Meghalaya, ka la pynkut noh ia ki training bapher bapher jong ka snem 2024-25, ka training kaba khatduh kadei ka “Embroidery & Fabric painting” kaba la kut noh ha ka 25/02/2025. Mynta ka snem ka institute ka lah ioh ban ai training ia kumba 1000 ngut ki samla.
Kane ka la long ka jingmyntoi kaba khraw ia kine ki samla kiba la pyndep ia ki training ha kaba ki la ioh ia ki certificate bad khamtam ia ka jingnang jingtip kumno ban seng lane trei ia ki jait kam bapher bapher. Ka institute ka don ia ka jingkyrmen ba kan nang lah ban nang ai ka jingshakri kaba kham bha nangne shakhmat, ban kyntiew ia ka sengkam sengjam hapoh ka jylla bad ka ri hi baroh kawei.
Phi don ban ong eiei?