NERCORMS kan pdiang sngewbha ia ka NER Tech Hackathon 2025 ban Pynshlur ia ki Jingpyni kiba phi la Shem bad Bathymmai ha ki Thain Shatei Lam Mihngi (NER).

Shillong 25 Rymphang: Ka North Eastern Regional Community Resource Management Society (NERCORMS) ka la pynkhreh ban pdiang sngewbha ia ka NER Hackathon: Ban pynlaitluid ia ka Bor Treikam jong ka 5G, IoT, AI bad kiwei pat ki jait jingstad ka juk mynta ban Pynbeit bad ban Pynbha ia ki Jingduna ha ki Thain Shatei Lam Mihngi ha ka 11 tarik bnai Lber 2025, ha Assam Administrative Staff College, Guwahati.

Ka jingthmu jong kane ka jingialang kaba nyngkong eh kum kane, ha kine ki thain ka long ban pynshlur ia ki jingshem bathymmai bad pyni ia ki da kaba pyndonkam ia ka jingstad pyrthei ka juk mynta lyngba ka 5G ban pynbeit ia ki jingeh ha ka liang ka koit ka khiah, ka rep ka riang, ka jingri ia ki mrad kiba ai jingmyntoi sha ngi bad ka jingpyndonkam ia ka IoT (ki kam kiba ngi pyndonkam da ka internet) ha ka liang ki Karkhana heh jong ka Umphniang bad Gas-bad ruh ban pyrshang ruh ban poi sha ki jaka shong bad ki shnong ki thaw ha kiba sha kyndong kynshrot, ki kynthei, ki samla bad ruh ki kynhun kiba iarap da lade ia lade.

Ia ka Hackathon la pynbiang pynbeit hapoh ka projek “Ban ngam jylliew ha ki Jingwad Bniah jong ka Jingstad Saian halor u 5G da kaba Pyndonkam da ki Jingeh jong ki Briew hi ban wad ia ki Lad Jingpynlait na kine ki Jingeh ha ka Imlang ka Sahlang” da ka North Eastern Regional Community Resource Management Society (NERCORMS), ka kynhun hapoh jong ka Thain Shatei Lam Mihngi, Goverment jong ka Ri India.
  
Ban pynshlur ia ki nongiashim bynta bad ban ithuh ia ki jingmut bad jingpyrkhat ba thymmai bad kiba kham phylla bad kordor, ka NERCORMS ka la pyntip ruh ban don ka khusnam kaba shongdor haduh INR 10 lak tyngka ia kano ma kano ka kynhun kaba jop, bad ruh ia ki lai tylli ki khusnam ban pyntngen ia kito ki kynhun kiba la iashim bynta kaba shongdor haduh INR 2 lak tynga ia kawei pa kawei na kine ki lai tylli ki kynhun.

Ban pynrung kyrteng na ka bynta kane ka NER Tech Hackathon 2025 yn plie naduh u bnai 1 tarik u Lber 2025. Nalor kane, sa kumba INR 5000 tynga yn ai ia baroh kito ki kynhun kiba la shah jied sha kane ka lympung ba kumta ki lah ban pyndonkam ha ki jingpynlut ki jong ki ha kaba iashim bynta ha kane ka jingiakynduh lang.

Kino kino kiba don ka jingkwah ban ia shim bynta ki lah ban sngewthuh khambha shuh shuh bad ruh ban pynrung kyrteng da kaba wad hangne www.nec5g.org.