Shillong 25 Rymphang: U Myntri ka tnad PHE u bah Marcuise N Marak u la pyntip ba na ka liang ka Sorkar ka la shim khia ban shim ia ki sienjam ban iada ia ki 741 tylli ki tyllong ki ba kongsan ha ka Jylla .
Haba kren sha ki ladpathai khubor u Marquis N Marak u la ong ba Ka jingkyrduh um ka don jingiadei bad ka jingkylla ha kaba iadei bad ka suinbneng, namar ka jingkylla ka suinbneng ka jia ha man la ki jaka.
U la iathuh ba dang shen , Kum u Myntri u la leit ban shimbynta ha ka jingialang kaba ar jong ki myntri um jong ka ri India baroh kawei, ka ba la long ha Udaipur.
” Ha kane ka jingialang ngi la iohsngew na baroh ki myntri jong ki jylla bapher bapher, ba kane jingkyrduh um ka don jingiadei bad ka jingkylla ka suinbneng bad ha man la ki jaka ba ka jia, kumta ka dei ka jingktah jong ka jingkylla ka suinbneng” u la ong .
“Kumta kane ym tang ba ka jia hapoh ka jylla Meghalaya, hynrei ka dang jia ha kylleng ka ri bad ha kylleng ka pyrthei” u la bynrap.
U bah Marcuise N Marak la ong iathuh , ba na ka Liang ka Sorkar Jylla ka la iathuh ia ki 741 tylli ki tyllong um ki ba kong san ha ka Jylla ha kaba ka tnad ka la shim ia ki sienjam ban iada ia kine ki tyllong um kiba kongsan.
“Hapoh ka jingialam u Myntri Rangbah ka jylla u Conrad K Sangma, ka jylla Meghalaya ka la thaw ïa ka Climate Council, ha ka ba ha kata ka Climate Council, la rai ba kane ka tyllong um kaba kongsan bha kaba la ithuh da ka tnad PHE ka dang shim ïa ki lad ki lynti kumno ban iada ” u la ong .
Halor ka JJM u la ong ba ka jingshah ktah ki tyllong um ka ktah bha ia ka jingtreikam ka JJM bad iakane haba leit ban jurip ha ki shnong ki thaw , la Shem ba ka jingbym iaid beit ka JJM ka dei tang na ka daw ba tyrkhong ki tylllong um .
Phi don ban ong eiei?