Iaid beit ka thep Vote ha Ri Bhoi, 1,06571 lak poi ki nongleit thep Vote ha 5 tylli ki Constituency

Nongpoh, 21 Rymphang: Ka jingleit thep Vote jong ki paidbah na bynta ban jied ia ki nongmihkhmat sha ka Khasi Hills Autonomous District Council (KHADC) ha ki 5 tylli ki Konstitwensi ha Ri Bhoi, ka la long kaba iaid beit iaid ryntih bad kaba ym don kano kano ka jingshah pynthut.

Kumba ka long ha Ri Bhoi, ha ki 5 tylli ki Constituency ki don haduh 331 tylli ki Polling Station bad nadpeng kitei ki 331 tylli ki Polling Station ki don 16 tylli kiba ym don ka jingshngain bad 14 tylli kiba don hapdeng ka jingma, ha kaba halor kitei ki jaka bym shngain bad kiba don jingma, na ka liang ki bor pyniaid Distrik ka Ri Bhoi, ki la pynbiang ia ki bor pahara, khnang ban lait na kino kino ki jingjia kiba pynthut ia ka kam ban jied nongmihkhmat sha KHADC.

Kumba la ioh lum jingtip na ka ophis u Deputy Commissioner ka Ri Bhoi, la ong ba haba khein kyllum ia ka jingpoi jong ki nongleit thep Vote ha baroh ki 5 tylli ki Konstitwensi ka la 1,06571 lak ngut bad kaba mut ba ka jingdon kiba poi sha ka jingleit thep Vote ka poi 56.91 persen.