Shillong 21 Rymphang: U Chief Executive Member (CEM) u bah Pyniaid Sing Syiem ha ka sngi ba wan ban thep ia ka Vote , u la ong ba lyngba ki kam ba u la trei Kum u CEM ka KHADC, u Don ka jingkyrmen kaba khraw ba ki paidbah kin ai ka jingkyrshan ba pura ia u mynta ka kynti ruh .
“Lyngba ki kam kiba ngi la pyrshang ban trei Kum u MDC , ban thaw bad kham pynskhem ia ki ain na ka bynta ka Ri Jong ngi , ha kaba ki paidbah hi ki la iohi mynta, bad kumjuh da kaba wanrah ia ka roi ka par ngam artatien ba ki paidbah kin jied biang sa shisien namar Ka election ka wan ka leit don kiban jop bad ki ban rem hynrei ka thong hi ba ha khmat ka long ban shakri ia ki paidbah” u la ong .
Halor ka rai ban ia khun na Nongthymmai Constituency u la ong ” Ka ain ka shah ia ngi ba ngin ia khun na kano kano ruh ka constituency bad nga la dei u MDC ar samoi na Sohryngkham Constituency, hynrei ka rai hi ba ngan ia khun na Nongthymmai Constituency ka long namar nga dei u trai shnong” .
“Ka wei na ka daw hi ba nga rai ban iakhun na kane ka Constituency ka long namar ka jingkhlad kyndit u MDC ka Nongthymmai Constituency u bah Latiplang Kharkongor, bad lada i bah Latiplang I dang don ngan ym treh ban iakhun na kane ka Constituency namar ym don ba lah ban pynrem ia i bah Heh ba baroh hi ki ia ieid ia burom” u la bynrap .
“Ka jingkhlad noh Jong i ka pynlong ia kane k Constituency ban ym don nongmihkhmat bad kiba bun hi ki kynhun ki iakynduh ia ngi ban phah ia khun ia nga na kane ka Constituency kumta nga la rai ban ia khun na Nongthymmai Constituency” la ong shuh shuh u bah Pyniaid.
U bah Pyniaid Sing Syiem u la pynpaw ia ka jingpher hakane ka MDC election namar ha u snem 2019 ka election ka long jaijai bha , hynrei mynta u snem ka long shongshit.Kane ka MDC election mynta ka pynkhih bha ia ka jingmut jingpyrkhat Jong u paidbah namar ki ba bun ki mat ki mih , la ka dei ki mat ha District Council kiba ngi ruh kum ka Executive Committee kam Shem la shongthait nalor kane mih sa ka jingdawa article 371 , kaba ki mat ia tai ki ba mih hangne ki pynlong shongshit ia u paidbah.
Haba kren halor ki jingkynthoh u la ong ” Ka jingkynthoh haba kwah tang ban shu kynthoh , ioh beit hi ka lad , ia ki ba trei ruh shah kynnoh bad ia ki bym trei ruh shah kynnoh bad lada trei bha katno katno ruh hynrei ka shu long ba lada ka jingkynthoh ka dei ka ba don nongrim te ngin pyrkhat hynrei lada ka dei ka jingkynthoh kabym nongrim te ngin ym sngap” .
Phi don ban ong eiei?