Shillong 21 Rymphang: U MLA ka Laban Constituency u bah Sanbor Shullai u la ong ba uKa don ka jingkyrmen kaba khraw ba u bah Ricky Shullai klu kyrtong shimet na 15 – Laban Mawprem constituency un ioh ka jingjop kaba don burom ha ka MDC election.
Haba kren sha ki ladpathai khubor u bah Shullai u la ong ba Ki paidbah ki ai ka jingkyrshan ba pura ia u kyrtong shimet ka Laban Mawprem constituency u bah Ricky Shullai.
“Ha baroh ki liang hi nga tharai ka 15 – Laban Mawprem constituency kan ai ka vote ia u Ricky Shullai u ba long u long pyrsa Jong nga “u la ong.
Haba kylli halor ki kyrtong na ka BJP u bah Sanbor u la ong ba “ngam kwah ban kren eiei halor ki kyrtong ka BJP” .
U la bynrap ” Kumba ka long mynta ka BJP , ka Congress bad ka NPP ka khlem buh kyrtong ha kane ka Constituency kumta kan kyrshan ia u kyrtong shimet u bah Ricky Shullai” .
Haba kylli u bah Sanbor u la kdew ruh ba “ka dei ka jingshisha ba u bah Ricky Shullai u dei u Pyrsa Jong nga, kumta nga ruh nga mih ban ialap election na ka bynta Jong u khang ba un poi sha ka bor” .
Lah ban kdew hangne ba na 15 – Laban Mawprem constituency kin don lait ngut ki kyrtong kiban aireng na ka bynta ka Khasi Hill Autonomous District Council (KHADC) kiban kynthup ia u bah Mitchell Wankhar u ba long u MDC mynta , bad u Kyrtong ka UDP , u bah Shemstar Rynjah kyrtong ka KHNAM bad u bah Ricky Shullai u kyrtong khlem seng .
Phi don ban ong eiei?