Shillong 21 Rymphang: Ha ka step jong ka 21 Tarik u Rymphang 2025, ka jaka thep vote ka ba don ha Wapungskur, East Jaitjia Hills District, ka la shah thombor, shah pynpait pynpra ha ki runar ki bym lah ban iathuh dur, ha kaba kitei ki runar ki la pynpait ia ka kor EVM.
Kane ka jingjia ka la jia ha kapor kumba 11:30 eiei mynstep ha ka jaka thep vote, kynthup ka jaka thep vote ki shynrang bad ki kynthei, ka ba dei na ka bynta ka jingjiet ia ki kyrtong MDC sha JHADC.
Ka bor pyniaid district ka East Jainjia Hills District bad kumjuh ruh, ka tnad Pulit ki la leit ban hiar mar mar sha katei ka shnong, ban tem ia ka jingkulmar bad ruh ka pynsangeh noh ia ka jingthep vote.
Ka Additional Deputy Commissioner East Jainjia Hills District ka kong Jacqueline U Kharpuri ka badei ruh ka Returing Officer ka la ong, ba ka la don ka jingiakynad ba malu mala ka ba la lah ban pynbeit hashwa ban shah wan pynpra ia ka kor EVM bad ki kot ki sla.
Ka la ong,ba ki briew ki ba la wan pynpra ym shem la lah satia ban iathuh dur khmat bad tang ki briew ba ka shnong hi ki ba lah lehse ban iathuh dur ia ki.
Watla ka la don ka Jing suba jur ba kadei ka jingiakynad hapdeng ki seng saiñ hima sima ki ba pynieng kyrtong ka katei ka konstitwensi pynban ki bor district kim treh ban pynshai halor Kane.
Kum ban shu kdew hangne, ba kidon haduh 5 ngut ki kyrtong ki ba la ia aireng ha Kane ka ilekshon MDC sha JHADC, kynthup ia u bah Prosen Siangshai na ka seng Congress, bah Damewanhi L Rymmai na ka VPP, bah Phasman Dhar na ka NPP, bah Shanbor Rymbai na ka BJP bad u bah Wailaddameshwa Siangshai na ka UDP.
Phi don ban ong eiei?