Nongpoh, 14 Rymphang: Ha ka jingjied pynthymmai ka Meghalaya Cricket Association (MCA) ia lai tylli ki Post ba kin long kum ki nongialam ba hakhmat ka MCA, u Bah Rayonald Kharkamni, Vice-President barim ka MCA, u la shah jied ban long kum Honorary Secretary ka MCA, katba u Sengnad Momin kum u Vice-President bad u Bah Gedion Kharkongor, kum u (Councillor).
Ia kitei ki nongkitkam ba thymmai jong ka Apex Council ka MCA, la pynskhem da u Bah W. Khyllep, I.A.S.(Retd), Chief Electoral Officer barim jong ka Sorkar Meghalaya bad uba dei ruh kum u Electoral Officer ka MCA, ha kaba la pynskhem ia kitei ki 3 ngut, ka dei hadien ba ki la pyndep ia ka kam ban thep kyrteng bad ba ki la jop, da kaba khlem yn don kiwei pat kiba iakhun pyrshah ia kitei ki Post ba ki iakhun.
Kitei ki 3 ngut ki nongialam ba hakhmat ka MCA bad kiba la shah pynskhem hynnin ka 13 tarik u Rymphang, kin sa treikam nangne shakhmat haduh ban da kut ka samoi treikam jong ki bad ia ki kot ki sla na bynta jong kitei ki nongkitkam ka MCA, la aiti da u Bah W. Khyllep.
Phi don ban ong eiei?