Shillong 12 Rymphang: Ban ai ka jingkyrshan ia u bah Peter Challam u ba dei u wei u kyrtong na ka seng Khun Hynniewtrep National Awakening Movememt (KHNAM) u ban ia aireng ha kane ka ilekshon MDC sha KHADC na Laitumkhrah Malki Konstituency ha ka janmiet jong ka 12 tarik u Rymphang 2025,ki nongialam ka seng ki la pynlong ka jingialang ha Malki Point, ban pynsngewthuh paidbah ha kaba ia dei bad ka nongrim haba ki mih khmat ban ia khun ia ka ne ka ilekshon MDC.
Ha kane ka janmiet la don lang ki dkhot ka seng KHNAM, seng kmie bad ki wei ki wei de ki nongialam ryngkat bad ki nongkyrshan.
Haba ai jingkren ha kane ka janmiet, na ka liang u bah Hameki Malngiang uba dei u dkhot ka CEC hapoh ka seng, u la pynshai paidbah ha kaba ia dei bad ka ilekshon MDC, ka ban sa long ha ka 21 tarik mynta u bnai, da kaba ong, ba ka seng ka wan sha ki paidbah ym dei ba ka pynbiej ne kular ban pynshongshit hynrei ka wan ban kyrsiew thiah sa shisien ia ka jaidbynriew.
“Nga sngewsih ban ong kine ki kyntien, ba ladon ki Party ki ba ong, shim beit ka pisa lada don ba wan ai tyngba ka vote pat wat num ai, na ka liang ka seng KHNAM ngi ong, ba wat ngop ha kum kita ki party bad ki kyrtong ba wan, ngim kwaw ba la phi, phin poi sha bneng mangi pat ngin poi dujok, la ong u bah Hameki.
U la ong ruh, ba Ki ba bun na ki party ba ki sngew ba tang ma ki ba hok namar ban shim beit ia ka pisa tyngba ka vote nai thep, Kane kadei ka jinghikai bakla ia u paidbah.
Kine ki la sdang ialam bakla ia u paidbah, ki kren ia ka clean politik katba ia u paidbah pat ki hikai ban long ki ba jakhlia, hynrei ka seng KHNAM kam shem la hikai kumta, u la bynrap.
Na ka liang u Bah peter challam pat u kyrtong ka seng KHNAM haba ai jingkren u la pynshai, ha kaba ia dei bad ki aiñ jong ka Distrik Council bad ka wei ka dei ka jingma lada duh noh ia ka kyrnit ka ba hynriew (6), namar kan ap jingma.
Lada ki paidbah ki ailad ianga ha kane ka kynti ba mynta sha District Council, ngan pynkhlaiñ ia ki ain kiba don lypa hapoh district Council.
Phi don ban ong eiei?