Shillong 11 Rymphang: Ka synjuk ki nongkhaii syiar bad doh syiar,ka ba la tip ruh kum ka Meghalaya Poultry Suppliers and Meet Eetailers Association ha ka janmiet jong ka sngi baar ka 11 Tarik Rymphang 2025, ka la buh jingkylli ba naei ioh bor u bah Wanshai bad ki lai tylli ki seng ban check “Health Certificate”ia ki syiar.
Haba kren sha ki lad pathai khubor ha Shillong Press club na ka liang u president ka synjuk u bah Everest Mylliem Umlong u la ong, ba ka Association ka don ia ki sakhi sabut ba u bah Wanshai u lum pisa ha ka kyrteng jong kawei pat ka Association.
U la ong,ba ha kaba iadei bad Kane na ka liang jongki,ki la dep ban ujor da ka ejajar ha byrnihat Police Outpost myn ha ka 27 Tarik u kyllalyngkot 2025.
“Na ka liang ka Association ka la dawa ruh, ba tnad Animal Husbandry and Vertanary ka sorkar Jylla kadei ban pynshitom ia u Wanshai bad ruh ka la dawa,ba dei ban don ia ka Standard operating procedure ha ka kam pynpoi syiar hapoh la Jylla”, la ong u bah Everest.
U bah Everest u la iathuh ruh, ba Ka Association mynahwa ka la ioh jingtip ba don ka jinglum pisa beain ha byrnihat bad ha kato kapor ngi la mih shakhmat bad ki katto kattne ngut ki nongkhaii napoh Bhoi ban pyntip paidbah lyngba ki lad pathai khubor, hynrei kumba katto kattne ka la beit noh ka jinglum ia kata ka pisa.
Ha Kane ka sien ka ba ar pat, ba la don biang ka jinglum pisa beain, ha ryngkat ki nongkhaii ngi la mih ryntieh ban ban iaid shakhmat ym tang sha ki lad pathai khubor hynrei sha kibor jong ka ain ban ujor Ejajar bad mynta ka dangiaid ha ka jingtohkit,la ong u bah Everest Mylliem Umlong.
Phi don ban ong eiei?