Thaw ka BJP da ka kynhun wad jingtip halor ka jingkynnoh tih bad khaii dewiong

Shillong, Rymphang 11: Ka Meghalaya Bharatiya Janata Party (BJP) mynta ka sngi kala thaw daka kynhun wad jingtip lane ka Fact Finding Committee (FFC), ban tohkit halor ka jingkynnoh tih bad khaii dewiong beain hapoh ka Jylla.

Iaka Fact Finding Committee la thaw da u State President u Rikman G Momin bad ia kane ka Committee la ai jingmynjur haka 6 tarik mynta u bnai.

Iaka Fact Finding Committee yn khlieh da u MDC ka South Tura constituency u Bernard R Marak u badei ruh u State BJP Vice President kum u Convener bad u Bah Mariahom Kharkrang kum u Secretary bad la bthah ba kane ka Committee kadei ban pynbiang iaka kaiphod hapoh 40 sngi.

Kiwei ki dkhot ki kynthup u Bah Lakhon Biam, Raphius Sangma, Commanderful Sana, Karbar Tyngkan, ka Kong Daniella Nonglait, ka Kong Darihun Marbaniang, Arun Kumar bad u Pramod Jain.